Hövzə Xəbər Agentliyinin Tərcümə Qrupunun verdiyi məlumata əsasən:
Cənnətül-Bəqi qəbiristanlığının dağıdılmasının ildönümündə Pakistanın Heydərabad şəhərində şiə müsəlmanlar etiraz aksiyası keçirərək, bu hadisəyə görə Əl-Səud rejiminə öz narazılıqlarını bildirdilər və bu müqəddəs məkanın dərhal bərpasını tələb etdilər.

Tədbirin natiqləri 8 Şəvval tarixini İslam tarixinin ən acı günlərindən biri kimi qeyd edərək vurğuladılar ki, Bəqi qəbiristanlığında Əhli-beyt (ə) övladlarının məzarlarının dağıdılması təkcə fiqhi bir ixtilaf deyildi, bu, tamamilə siyasi və Peyğəmbər (s) ailəsinə qarşı düşmənçilikdən qaynaqlanan bir addım idi. Onlar bildirdilər ki, bu kimi müqəddəs məkanların qorunması və yenidən bərpası bütün vicdanlı və qeyrətli müsəlmanların üzərinə düşən dini, əxlaqi və insani bir vəzifədir.

Höccətül-İslam Seyyid Sacid Əli Ənsari İslam dünyasının Bəqiin hazırkı vəziyyətinə göstərdiyi biganə münasibətdən təəssüfləndiyini bildirərək dedi:
Necə qəbul etmək olar ki, müsəlmanlar Əhli-beyt (ə) övladlarının məzarlarına qarşı bu haqsızlığa səssiz qalsınlar, halbuki digər sivilizasiyalar öz keçmişlərinin abidələrini fəxrlə qoruyurlar? O, Pakistan hökumətinə səslənərək, Səudiyyə Ərəbistanı hökumətindən Cənnətül-Bəqiin bərpasına dərhal başlamasını tələb etməsi üçün ciddi və aydın mövqe ortaya qoymağa çağırdı.

Bu etiraz aksiyası sadəcə bir toplantı deyildi – bu, İslam dünyasına verilən bir mesaj idi:
Cənnətül-Bəqi – zülm və haqsızlığın simvoludur; biz bu məkan bərpa olunana qədər susmayacağıq.